Proxectos América

Socio local CEDESCO
Financiador Xunta Castela e León.
Custo total 268.630€
Subvención 186.932€
Duración xuño 2011 a xaneiro 2013

As áreas rurais do Municipio de Vila Tunari (Dep.to de Cochabamba, Bolivia) presentan os índices máis graves a nivel nacional de prevalencia de enfermidades que teñen a súa orixe nas condicións de acceso e uso da auga. O presente proxecto pretende contribuír a asegurar unha adecuada e equitativa provisión, uso e xestión do servizo de auga potable e saneamento básico para as familias das comunidades indíxenas do Municipio de Vila Tunari. Para iso, procederase a: 1) Garantir o acceso e a dispoñibilidade de auga potable para as familias indíxenas da comunidade de Nova Aroma, mediante a construción dun sistemas de auga potable con conexións domiciliarias; 2) Fortalecer a xestión municipal e comunitaria do servizo de auga potable e saneamento básico, creando Comités Comunitarios de Auga Potable e unha Empresa Municipal de prestación de servizos no ámbito de Auga e Saneamento; 3) Mellorar os hábitos de hixiene e saúde dos\/as habitantes das comunidades indíxenas do Municipio de Vila Tunari, a través de campañas de información e educación; e 4) Promover relacións de equidad entre os homes e as mulleres con respecto ao uso, consumo e xestión da auga potable, por medio de accións dirixidas a sensibilizar e concienciar á poboación.

Prevese que 1.250 persoas, 563 homes, 688 mulleres, da comunidade de Nova Aroma do municipio Vila Tunari contarán con auga potable nos seus fogares grazas ao proxecto.