Proxecto "Sensibilización, formación e mobilización de funcionarios e políticos dos gobernos locais para a promoción do desenvolvemento sostible e os ODM"

Asteartea, 2011(e)ko iraila(r)en 20-(e)an 10:50etan

O papel das autoridades locais españolas na loita contra a povbreza e para o logro dos ODM adquiriu cada vez máis relevancia no últimos anos. En España os municipios prestan servizos sociais fundamentais para o benestar da poboación e en particular dos grupos máis vulnerables, entre os cales o colectivo inmigrante. Os municipios achegan tamén ao desafío do logro dos ODM nas zonas máis pobres do planeta, contribuíndo non só con recursos senón tambíen con coñecementos e experiencias relevantes, en particular nun momento histórico en que a noción de -autonomía local-, estase impondo progresivamente en todas as rexións como norma de referencia da administración territorial. Para conseguir que os investimentos (non unicamente económicas) dos gobernos locais españois para a loita contra a pobreza en España e no mundo, teñan un máximo de impacto, fai falta que os políticos e funcionarios locais estean debidamente sensibilizados e coñezan profundamente as realidades con que se relacionan e os contextos nos cales van traballar.

A Fundación Musol identificou este proxecto a partir do seu historial de traballo con administracións locais en España e en colaboración con colectivos representativos de grupos profesionais fundamentais para o mundo municipal (COSITAL e os colexios territoriais). Contribúese non só a concienciar e formar grupos (funcionarios/as e políticos locais) relevantes polo seu peso numérico e o seu papel na sociedade española, senón que se incrementa tamén o soporte e a calidade da cooperación española. A iniciativa pretende abarcar polo menos 6 comunidades autonómas, no que se refires ás iniciativas de sensibilización, mentres que no eixo de formación e mobilización involucrará potencialmente toda a xeografía española.